Даймохк

 

Сийна хIорд дIамаллал,

Хьогах со велахь,

Хьо ю сан хьогалла,

Дай баьхна мохк.

 

Сутара къурдаш деш,

Мел дукха мийларх,

Со цкъа а Iебар вац.

Iебар вац хьох.

 

Кхачийна дегIера

Ахь делла гIора,

БIал бохош,

ДIахецна карара нох,

Цкъа ирхо йоккхучохь

Вожахь а гора,

Со цкъа а Iебар вац,

Iебар вац хьох.

Хьан стигла хьаьжжинчохь

Висахь а Iилла,

Соьца хьо хилалахь,

Дай баьхна мохк.

Ницкъ лолахь чекхдаккха

ТIаьххьара илли –

ТIаккха а Iебар вац,

Iебар вац хьох.

Просмотров: 82 | Добавил: kanta_ibr | Дата: 29 Мая 2020 | Комментарии (0)

Лаьмнийн бер

Лаьмнийн бер – со,
нохчийн ненан шура мелла,
Нохчийн цIий ду
даг чохь детташ ткъес.
Ненан цIий ду
маршо еза алу елларг,
Нохчо ву со,
лаьмнийн аьрха бер.
Лаьмнийн бер – со,
борз ехкинчу буса дина,
Дарцо дера
ага техкийна.
Таррийн ткъесаш
вовшеххьерчашсуна гина,
Къорчу орца
тIамах идийна.
Лаьмнийн бер – со!
Велхар хIун ду хаац суна,
БIаьрхин тIадам
цIийца бусту ас.
ТIеман хьаьттахь
кхин ца гIатта цIийла вужуш,
Къонахалла
соьга делла дас.
Лаьмнийн бер – со,
машар лоьхуш, маьрша даьхна,
Амма мостагI
теIа воьлча тIе,
ТIеман хьаьттахь,
сайн юкъ йоьхкуш шераш даьхна,
Синтем хилла,
доцуш буьйса, де.
Лаьмнийн бер – со,
эшнавуьсуш, бала лайна,
ГIоьнча воцуш
орцахвала сайн.
Паччахьан цIарца
аьчкан гIоьмаш еттарх сайна,
... Читать дальше »

Просмотров: 68 | Добавил: kanta_ibr | Дата: 29 Мая 2020 | Комментарии (0)

Бутт дIатийна, гIийла техкаш,
Хьаннийн сенчу аганахь.
Ма хазло-кха, Iуьйре хьекъаш,
Дуьне – Iалам Веданахь!

ДIогахь ховха зIаьнарш лиэта
Стиглийн цIечу пхьуьйшара –
Белабелла, малх схьакхета
Гуьмсан дукъан кIажара.

Кхолу тхишца аьрцнаш тIера,
Сийна зов ду Iаннашкахь.
Яьржа эшарш нуьре, шера
Кора хьалха бошмашкахь.

Кхевда лаьмнаш, кертахь дитташ
Сирла, цIенчу ойлане.
Хета дерриг тIараш детташ,
Кхаьчна хазчу дикане.

Бутт дIатийна, гIийла техкаш,
Хьаннийн сенчу аганахь!
Ма хазло-кха, Iуьйре хьекъаш,
Дуьне – Iалам Веданахь!

Просмотров: 82 | Добавил: kanta_ibr | Дата: 29 Мая 2020 | Комментарии (0)

Со ца кхочуш меттиг бац

Хьовзорхьама, наха олу:
«Хьуна тIаьхьа-м кхуьур вац,
Массо метте кхача гIерташ,
Хьо ца кхочуш меттиг бац».

Со-м сайн дагахь воьлу царех,
Церан забарш йойу ас,
Мунда санна, лаьттачарех
Лела хуург хьоьгуш вац.

Соьга-м нанас олуш дара:
«Хьо цкъа а нахах тарлур вац,
Шо кхачале ага херцош,
Хьо бен суна гина вац».

BоpxIapa ваьлча, аьлла суна:
«Нехан бераш санна вац,
Дешар Iамош вакъа а велла,
ЦIера араволуш вац».

Со-м IадIара, дийца бохуш,
Къийсамашкахь яхь ца луш,
ХIете-вете цхьаъ ца олуш,
Iалур боций уьш хууш.

Наха дуьйцург дезаделла,
Со, мел некъбарх, кIадлуш вац,
Массо метте кхача гIерташ,
Со ца кхочуш меттиг бац.

Просмотров: 64 | Добавил: kanta_ibr | Дата: 29 Мая 2020 | Комментарии (0)

Дорогие читатели!

Библиотека чеченской литературы пополнилась повестью «Хаджи-Мурат» Льва Николаевича Толстого в чудесном переводе на чеченский язык писателя и литературоведа Эльбруса Минкаилова.

Книга вышла под редакцией Д. Сумбулатова и И. Ирисханова в количестве 500 экземпляров, и все они находятся в библиотеке Союза писателей ЧР на время карантина.

Мы искренне надеемся, что в скором времени наша жизнь вернётся в привычное русло и каждый желающий сможет получить книгу на руки. 

... Читать дальше »

Просмотров: 69 | Добавил: kanta_ibr | Дата: 29 Мая 2020 | Комментарии (0)

close