Хьо малвелла,дохковаьллехь,
Ахь къарбинехь, биъна дуй,
Тешам нехан хьоьх дIабаьллехь,
Ахь сийсазбо холхаз куй!

Хезаш, буса варшахь-арахь
Хьайга дохуш орца дуй,
Хьо ког хецна, паргIатваьллехь,
Ахь сийсазбо холхаз куй!

Хьан нийсонан цIе дIаяйнехь,
Баьгна баьлла, кийрахь суй,
Хьуна хьанал-хьарам тайнехь,
Ахь сийсазбо холхаз куй!

Дош ца хеташ, олург наха,
Церан сардам , наьIалт, туй
Кийча велахь, эрна ваха,
Ахь сийсазбо холхаз куй!

Хийла йоI ю дешин меха-
Нехан бIаьрахь-цIеран суй.
Мекхаш хиларх мелла деха,
Хууш дац хьо къонах вуй!.

Хиъна суна дуьне, эхарт
Дикчу кIентийн белш тIехь дуй,
Къонахчо шен коьртан меха,
Лоруш, ларбо холхаз куй!

 

... Читать дальше »

Просмотров: 20 | Добавил: kanta_ibr | Дата: 10 Июня 2020 | Комментарии (0)

Зазадаьлла Iежийн бешахь,

Сийна стигал екхна ю.

Накъост, хьо сан дашах тешахь,

Вайша вовшийн гIортор ю.


Некъаш хиларх мелла деха,

Лекха хиларх ломан бохь,

ДоттагI даим даг чохь веха,

Орцах волу эшначохь.


Велалой, ахь куьг схьалаца,

Майрра хьалха баккха ког!

Вевзаш воцчо вайн гIолацахь,

Дикнах дузу кийрахь дог.


Некъаш хиларх мела деха,

Лекха хиларх ломан бохь,

ДоттагI даим даг чохь веха,

Орцах волу эшначохь.


Хьо,дог доьхна, висча цхьалха,

Орцах дала доцуш са,

Хьоьга куьг луш, уггар хьалха,

Кхочу деган доттагIа.


Некъаш хиларх мела деха,

Лекха хиларх ломан бохь,

ДоттагI даим даг чохь веха,

Орцах волу эшначохь.


Некъах тилла, цIа ван хьелахь,

Хьо, хан яьлча, вицлур ву.

Хьоь сатуьйсуш, милла велахь,

И хьан деган доттагI ву.


... Читать дальше »

Просмотров: 18 | Добавил: kanta_ibr | Дата: 10 Июня 2020 | Комментарии (0)

 

                        * * *

Вай стенга хьош ду-те кхолламо?

Вай леха хIун лоьху-те? –

Ца хаьа и вайна. ХIораммо

Дахаран хьо атта некъ.

 

Дуьненан гац вайна хазалла,

ХIаллакдо дика мел дерг.

Вовшийн цадезаран бIаьрзалло

ДIакъевли вайн ирсан неI.

 

Цундела даьржинчу зуламо

Къинхетам дIабаьккхи вайн.

Со шуьга ма кхойкху, адамаш,

Диканна дог делла вай.

 

Йиш яц вайн, вовшех а къаьстина,

Массарна къахьдан дуьне.

Безачийн дегнаш а хьаьстина,

Ховша вай цхьаьна шуьне!

Просмотров: 17 | Добавил: kanta_ibr | Дата: 10 Июня 2020 | Комментарии (0)

 

Хьайна ма-ттов сихло дахар,

ДIагIо дерриг шен рогIехь.

Дала делларг бу сан бахам,

Кхидерг ма ду шеконехь.

 

Дала маьлхан дуьне делла,

Делан совгIат-Iалам а.

Диканна ас суо дIаелла,

Далла йо ас Iамал а.

 

Аткаева Луиза

Аткаева Луиза кхузаманахьлера нохчийн байтанча ю.

Просмотров: 19 | Добавил: kanta_ibr | Дата: 10 Июня 2020 | Комментарии (0)

***

Сахьийза. Стенна сахьийза?

Сагатло. Стенна сагатло?

Хетало, бIаьрга буй хьийзош,

Седарчийн белхар до батто.

Цицигах хьекхало когах,

Бер санна, схьа мара хьерча

Мела хIуо. Хьесталун хIуо гой,

Когаш тIехь ийъало хьечаш.

Чилланан цкъар хеза уллохь,

ДIанехьо бухIа а ека.

Сан хьеший, жим-жима гуллуш,

Схьагулло, сайн гIайгIа екъа.

Беттаса хьалхачул бIаьрла

Схьакхета. Кхойкху дIо-о боргIал.

ТIаьххьара беца хал аьлла

Сан хьеший набарах бовлу.

Со-суо ца кхетачух кхетий,

Сан гIайгIа дIаоьцу ерриг,

Суна сайх царех цхьаъ хеттал –

Гаьннех – га, бецах – цхьа хелиг…

Абдулаев Леча

Леча Шарипович Абдулаев ( ... Читать дальше »

Просмотров: 22 | Добавил: kanta_ibr | Дата: 10 Июня 2020 | Комментарии (0)

Да ваьлла ца волуш,
Да вала ца вуьтуш,
Ког хецна ца болуш,
ТIам баржо ца кхуьуш,
ГIамарлахь хIу санна,
Овкъарлахь суй санна,
Бихкина Iилманна,
Бихкина Iиллина,
Iиллина биллина,
Биллина Iиллина.

Да хила цхьаъ ваьлча,
«ГIаттахьа!» – цо аьлча,
ГIаьттинарг дицдина,
ГIаттийнарг вицвина,
Сиз хьокхуш, нисдина,
Эзарнах исс дина,
Да волуш, буо дина,
Керт йина, гуо бина,
Iиллина биллина,
Биллина Iиллина.

Бийцина ШоIипа,
Бийцина Соипа,
Бийцина шайхаша,
Тептарша, жайнаша.
Дийцинарг харцдора,
Туьрца а дацдора,
Даьттанца хьан а дой,
Ахкарца шар а дой, –
Юха а дIабуьллура.
Хьо гIенах боьлура.

Тархашца тарх гIиттош,
ТIулгашка дуьйцуьйтуш,
Мохьмад а тIехIитти, –
ТIулгаша дуьйцура.
Дош дашах хьегарца,
Дошехь дош къегорца
Iаьрби а велира –
Да ... Читать дальше »

Просмотров: 16 | Добавил: kanta_ibr | Дата: 10 Июня 2020 | Комментарии (0)

close