Просмотров: 16 | Добавил: kanta_ibr | Дата: 17 Июня 2020 | Комментарии (0)

Ойлано оллийна корта базбелла,
Балано хьовзийна вахар тазделла,
Iазапо Iовжийна вацар хазделла,
Генарчу махкара шуьга со хьоьжу.

Вахаран-кхалхаран ойланна аьлла,
ГIийла со лахвелча, суьйренца ваьлла,
ХIоллам гац халкъалахь сайн карахдаьлла,
Баьссачу сайн некъах воьлхуш, со хьоьжу.

Iаламан эшарехь Iехалуш, ловзий,
БIаьрг боьллуш дайнариг бIаьрг хьаббош девзий,
Iожаллин метта тIехь байттамал хьовзий,
Зиэн довчу вайн догIмех дог лозуш, хьоьжу.

ЖехIалчу жайнаша жимчохь Iехорна,
Iесачу некъа тIехь айпаш лехьорна,
Мел боцуш, эрна дукъ айса текхорна,
Дог дохко даларца, Деле со хьоьжу.

Кхоьллинчо кхийдо некъ бIаьргашна байна,
Шен дагна хилла чов собардеш лайна,
Вовшашца догмерза, вовшашца тайна,
Вай маца нислур те бохуш, со хьоьжу.

Элчано баьхна ду, вовшашка хьовса,
Вовшийн дог дохадеш, дуьне ма къовса.
Элчан некъ талхабеш, нацкъар ма хьовза – ... Читать дальше »

Просмотров: 18 | Добавил: kanta_ibr | Дата: 17 Июня 2020 | Комментарии (0)

* * *

Боданах етта ю буьйса.
Дитташа дайн шабар до.
Стиглара седарчий хьуьйсу.
Ойлано оьций дIахьо.

Стенга хьо – соьга ма хетта.
Беха некъ билгала бу:
Исбаьхьа сирла схьакхетта
Езачун довха нур ду.

Стиглара седарчий хьуьйсу.
Дитташа дайн шабар до.
Даим ас хьоьга сатуьйсу.
Даим хьох хьаьгна ву со.

Просмотров: 14 | Добавил: kanta_ibr | Дата: 17 Июня 2020 | Комментарии (0)


Малх буьзи,
Стиглан йист геннахь латийна.
ХIоккхузахь –
МаьркIаже хьийзалуш ю.
Буьйса-де, кегалуш, вовшаха ийна,
Нахазар башха сурт ду.

Лам бетта, Iаьршашка
Iаьржа ладоьгIна.
Аренаш хьуллуш ю,
Мокха бос тоьхна.
Боьрашкахь кхоллалуш
Чорда къахь ю.

Суьйре, ва суьйре!
Суна хьо еза –
Мерза ахь сингаттам хьелош*
тIебутту:
лезначех тохало
диснариш теза,
дезна мел хиллариг,
догIий, схьахIутту.

Хьелохьа жимма,
Ян сих ма лохьа –
Хьастахьа хьайга са дерзийна Iийриг:
берахь вай левзинчу
бердашка хьохьа,
къуоналла гайтахьа
аренаш тIера.

Еза хьо суна,
Заманан киртиг –
Буьйса-де иэделла, гIайгIане мур:
серл ... Читать дальше »

Просмотров: 15 | Добавил: kanta_ibr | Дата: 17 Июня 2020 | Комментарии (0)

Садайна. Юрт тийна йижна.
Беттаса ган хезехь дац,
Кхоларе мархаш чекх хьежна,
Катоьхна ийало дарц.

Цхьа цIа ду - и юьстах лаьтта.
Цхьа гIийла, цхьа миска цIа.
Чиркх а бу цунна чохь летта,
Къен ду цо ара лун са.

Чохь зудий, майрий, неI чIогIий,
Дуьжуш ду,тIаккха а,- хIан,
Экханах сама ладоьгIуш,
Синтем бац цаьршингахь, ган.

Хетало - арахь цхьаъ хьийза,
Геpзех и воьттина ву.
Кога кIел шийла ло цIийза,
КIело еш, хIоьттина ву.

Дарц каде гIовгIа ян долу.
ГIаттадо къемате дур.
Зудчо шен майраче олу:
Стаг а вац, мотталуш ду.

Мила хир, алахьа тIаккха,
НеIарехь хIоьттина Iан?
Даг чуьра кхерам дIабаккха,
Iа ду и, гIовгIа еш,Iа!
... Читать дальше »

Просмотров: 17 | Добавил: kanta_ibr | Дата: 17 Июня 2020 | Комментарии (0)

close