***

Шозза тIекIелдина
Каш-лахьта шелдина,
Сацо безаш бара цхьамза,
ГIамар-сахьтан гIамар-цхьамза;
Сацон дезаш - маьлхан сахьт а,
Цуьнца цхьаьна массо сахьт а;
Сацо езаш яра хан а,
Йоьду хан а, йогIу хан а;

Сацо езаш яра хьо а,
ХIара де а, хIара шо а;
Нахах яьлла нахе гIойла
Хьох ца йина йолу ойла:
Са цо оту, са цо огу,
ДIа ца йолу, схьа ца йогIу.
Сацо дезаш дара латта -
Стенгахь ю хьо, хьоьга хатта.

 

Оспанов Къосам го ... Читать дальше »

Просмотров: 16 | Добавил: kanta_ibr | Дата: 22 Июня 2020 | Комментарии (0)

Куьг ца кхочче ваьлча гена
ХIинцаъ хьоьга ла ца ло.
Йоллушехь хьуо гIийла, къена,
Охьакхетарх со ларво.
Наб ма-кхийтти суна наггахь
Дуьхьал догIу хьан амат,
Вижо гIерташ, хьостуш доггах,
Дуьйцуш туьйра – Iаламат.
Набарх дека суна илли,
Нана, хийла баьхна ахь.
Сан даг чохь и даим хиллий,
Хьуна хIинца а хаац-техь?
Жимчохь сайна ахьа санна,
Ас декор и кхечарна.
Баркалла ду хьуна, Нана,
И рагI соьга кхачарна.

Просмотров: 18 | Добавил: kanta_ibr | Дата: 22 Июня 2020 | Комментарии (0)

close