Лаьмнаша ларъеш ю
хорачойн эвла...
Ӏуьйренан кӀайн йовлакх
цу лаьмнех-хьерча.
Малх хьаьжна!
Нур-зӀаьнарш
Кхелакхе евлла.
ДӀо лахахь...
ДӀаьхьаьжча, дохк го схьакерчаш.
Д1о лахахь дохк го схьакерчаш.
Лаьмнаша хьесап до
схьагучу белхан:
Дахкаро йийсаре
ерзош ю стигал.
Яча-м ца йоллу-те?..
ДогӀанах елха
ХӀоьттинчу стигланах
кхета уьш тигац.
Стигланах кхета уьш тигац.
Кхетац-те и лаьмнаш
сан ойланах а?
Ца кхета амал дац!
Дас-нанас санна,
Кхиийна цара со
Кху дегӀе ваххалц.
Лаьмнашкахь ирс лоьхуш
ваьцна хьацарна.
Лаьмнашкахь ваьцна хьацарна.
Тахана а деза сан-м
къахьега гӀеххьа
ГӀайгӀанехь,
диканехь,
догӀанехь,
малхехь –
Даима лаьмнаша
некъ суна хьехна.
Хьалхахьа
г1уo баьхна,
некъ мел бу х ... Читать дальше »

Просмотров: 14 | Добавил: kanta_ibr | Дата: 25 Июня 2020 | Комментарии (0)

Карош ду кица
Дáхаран хица,
Ца гахь а х1инца
Хин луьста цинцаш.
Юьхь йашош цинцаш
Ца деттарх х1инцца,
Карор ду хица
Хьекъале кица.
Хьуна и лаахь а,
Хьуна ца лаахь а,
Йа ахь и лахахь а,
Ахь и ца лахахь а,
Лахахь ца лахахь а,
Лаахь ца лаахь а,
Хаахь ца хаахь а,
Магахь ца магахь а,
Лакхахь а, лахахь а,
Лахахь а, лакхахь а,
Доьдучу хица
Карор ду кица.

Просмотров: 14 | Добавил: kanta_ibr | Дата: 25 Июня 2020 | Комментарии (0)

Со нанас доIанна

айбинчу куьйгаш тIехь кхиъна,

Къонахийн кхача ас

дуьххьара сайн деца биъна.

Аганан мукъамехь

сан цIарах мел бина кхийлам

Со новкъа волучохь

сагIина сол хьалха бийлла.

 

«Декъала некъаш ду -

ворхIе а дех дисна некъаш,

Осала некъаш ду –

ден весет дохийна некъаш». –

... Читать дальше »

Просмотров: 14 | Добавил: kanta_ibr | Дата: 25 Июня 2020 | Комментарии (0)

ХьаргІанийн бодано
виначу лаьмнашна го беш,
Жоп доцуш дисира
сан пхенаш озийна хаттар:
Сох хила доьгІна-те
бехчалгийн кхолламан бобер?
Сох хила доьгІна-те
сагІина сеттина хаттар?

Мецачу кийрара
йишхаьлла мукъамаш бохуш,
Къорачу иллешца
со лийриг цахилар къедош,
Ас хІора буьйсанна,
шелделла дайн ардаш охуш,
Лехьийна лазамаш
денлора, сан гІенаш хедош.

Ас маьлхан зІаьнарех
туьйсура дахьийна пІелгаш,
Шелоно хедийча
сайн дечиг-пондаран мерзаш.
Иллеша къардора
сан лорах хІиттина белхарш,
Къилбехьа таьІна со
лаьмнашна дуьхьала верзош...

Дорцаша якхдинчу
сан даг чохь мекха яц, мо бен,
Жоп доцуш ца дисна
сан пхенаш ийзийна хаттар –
Ца хила доьгІнера
бехчалгийн кхолламан бобер,
Ца хила доьгІнера
сагІина сеттина хаттар.

Кхетта со: ... Читать дальше »

Просмотров: 12 | Добавил: kanta_ibr | Дата: 25 Июня 2020 | Комментарии (0)

close